وزیراعظم کے مشیربرائے سیاسی امور رانا ثنا اللہ کا کہنا ہے کہ علی امین گنڈا پور نے جلسے میں جو تقریر کی وہ انارکی پھیلانے کی کوشش تھی۔ مزید کہا کہ اسلام آباد کے راستے کھلے تھے لیکن اسلام آباد کی طرف سےجلسہ گاہ آنے والوں کونہیں روکاگیا۔
انہوں نے کہا کہ علی امین گنڈاپور 2 نمبر آدمی ہے، ان کا ڈبل چہرہ ہے، جس لہجے میں انہوں نے کہا کہ میں لاہور آ رہا ہوں، پھر اسی لہجے میں جواب بھی ملے گا،اب آپ اٹک پل پار کرکے دکھائیں۔
یاد رہے کہ کہ اسلام آباد میں پاکستان تحریک انصاف کے جلسے سے خطاب میں وزیراعلیٰ خیبرپختونخوا علی امین گنڈا پور نے عمران خان کی رہائی کیلئے حکومت کو دو ہفتوں کی ڈیڈ لائن دی ہے۔ ان کا کہنا تھا کہ ایک سے 2 ہفتے میں قانونی طور پر عمران خان رہا نہ ہوا تو ہم پھر انہیں خود رہا کریں گے۔
