پاکستان سپر لیگ 11 میں راولپنڈیز کو 8 میچز ہارنے کے بعد بالآخر کامیابی مل گئی، اسلام آباد یونائٹڈ کو 6 وکٹ سے شکست دیدی، اسلام آباد کے 138 رنز کا ہدف 4 وکٹ کے نقصان پر پورا کردیا، کپتان محمد رضوان میچ کے بہترین کھلاڑی قرار پائے ۔
کراچی میں کھیلے گئے پی ایس ایل الیون کے 34 ویں میچ میں راولپنڈیز نے ٹاس جیت کر پہلے فیلڈنگ کا فیصلہ کیا ، اسلام آباد یونائیٹڈ کی پوری ٹیم مقررہ اوورز میں 137 رنز بناکر آوٹ ہو گئی ۔
یونائٹڈ کی جانب سے ڈیون کونوے 40، کریس گرین 29 جبکہ مارک چیپمین 23 رنز بناکر نمایاں رہے، راولپنڈیز کے محمد عامر ، سعد مسعود او ڈیان فوریسٹر نے 2، وکٹیں حاصل کیں ۔
راولپنڈیز نے 138 رنز کا ہدف 4 وکٹوں کے نقصان پر 19ویں اوور میں حاصل کرکے جاری ایونٹ میں پہلی کامیابی حاصل کی ، جس میں کپتان محمد رضوان نے 45، کامران غلام نے 42 اور ڈیرل مچل 32 رنز بناکر ناٹ آؤٹ بنائے ۔
راولپنڈیز کے کپتان محمد رضوان کو شاندار 45 رنز بنانے کے بعد میچ کے بہترین کھلاڑی قرار پائے ، اس سے قبل راولپنڈیز کو اپنے ابتدائی 8 میچز میں شکست ہوئی تھی ۔
