اسلام آباد: حکومت نے پٹرولیم مصنوعات کی قیمتوں میں پانچ روپے فی لیٹر تک کمی کر دی، نئی قیمتوں کا اطلاق آج سے ہو گیا ہے،وفاقی وزارت خزانہ کی جانب سے جاری نوٹیفکیشن کے مطابق پیٹرولیم کی مختلف مصنوعات کی قیمتوں میں کمی کی گئی ہے ۔
وزارت خزانہ کے نوٹیفکیشن کے مطابق پٹرول کی قیمت 1 روپے کمی کی گئی ہے جس کے بعد 256.13 روپے فی لیٹر ہوگئی ،ہائی سپیڈ ڈیزل کی قیمت میں 4 روپے کمی کے بعد اس کی نئی قیمت 263.95 روپے فی لیٹر مقرر کی گئی ۔
نوٹیفکیشن کے مطابق مٹی کا تیل 3.20 روپے سستا کر دیا گیا جس کے بعد اس کی نئی قیمت 164.63 روپے فی لیٹر ہوگی ،اس ی طرح لائٹ ڈیزل کی قیمت میں سب سے زیادہ 5.25 روپے کمی کی گئی جس کے بعد اس کی نئی قیمت 155.81 روپے فی لیٹر مقرر کی گئی ہے ۔
پٹرولیم مصنوعات کی قیمتوں میں کمی کے بعد اس کا اطلاق بھی ہو چکا ہے اور اب یہ قیمتیں 28 فروری تک ہونگی ۔
