بلوچستان کے ضلع مستونگ میں سکیورٹی فورسز کے انٹیلی جنس بیسڈ آپریشن العزم کے تحت دہشت گردی کے خلاف مؤثر کارروائیاں جاری ہیں، تازہ کارروائی میں مزید کئی دہشتگرد مارے گئے ہیں ۔
سکیورٹی ذرائع کے مطابق بلوچستان کے علاقوں کلی کند عمرانی، خڈکوچہ، مستونگ سمیت مختلف علاقوں میں فتنہ الہندوستان کو بھاری نقصانات کا سامنا کرنا پڑا ۔
سکیورٹی فورسز نے آپریشن العزم میں دہشت گردوں کے متعدد ٹھکانے اور کمین گاہوں کو تباہ کر کے اسلحہ و دھماکہ خیز مواد برآمد کر لیا ۔
سیکیورٹی ذرائع کا مزید کہنا ہے کہ بلوچستان میں جاری آپریشن العزم میں اب تک فتنہ الہندوستان کے 16 دہشت گرد جہنم واصل کئے جا چکے ہیں ۔
سکیورٹی ذرائع نے مزید بتایا کہ بلوچستان سے دہشت گردی کے خاتمے اور امن و امان کے قیام تک سکیورٹی فورسز کی کارروائیاں مسلسل جاری رہیں گی ۔
