لکی مروت میں سکیورٹی فورسز نے خفیہ اطلاع پر کارروائی کرتے ہوئے 8 دہشتگردوں کو ہلاک کردیا، کارروائی میں 5 دہشتگرد شدید زخمی بھی ہو گئے ۔
سکیورٹی ذرائع نے بتایا کہ سکیورٹی فورسز کی یہ کارروائی خفیہ اطلاعات پر لکی مروت کے علاقے وانڈہ شیخ اللہ میں کی گئی ۔
ذرائع کا مزید کہنا تھا کہ سکیورٹی فورسز کی نہایت عسکری مہارت سے کی گئی کارروائی میں دہشتگردوں کو فرار ہونے کا کوئی موقع نہ مل سکا ۔
سیکیورٹی ذرائع نے یہ بھی بتایا کہ علاقے میں ممکنہ دہشت گردوں کی موجودگی کے خدشات کے پیش نظر سرچ آپریشن جاری ہے ۔
نیشنل ایکشن پلان کے تحت آخری خوارجی کے خاتمے اور امن و امان کی مکمل بحالی تک کارروائیاں جاری رہیں گی ۔
