وکٹ کیپر بیٹسمین محمد رضوان کو ٹی ٹوئنٹی کےکپتان شاہین آفریدی نے ٹیم کی ریڑھ کی ہڈی قرار دے دیا ہے
شاہین آفریدی نے فینز سے سوشل میڈیا پر گفتگو کے خصوصی سیشن میں کہا کہ ایک مختلف قسم کے انسان محمد رضوان ہیں، انہیں سب ٹیم میں جنتی کہتے ہیں۔شاہین آفریدی نےکہا کہ ٹیم میں سب رضوان کی وجہ سے باجماعت نماز پڑھتے ہیں،ٹیم میں وہ ہر ایک کیلئے مددگار ہیں،کسی کو کوئی بھی ٹیم میں مشورہ چاہیے ہوتا ہےتو وہ رضوان کے پاس جاتا ہے۔
انہوں نے مزید بتایا کہ پاکستان ٹیم کیلئے رضوان کو ریڑھ کی ہڈی کہا جاسکتا ہے۔شاہین آفریدی نےکہا کہ میرے لیے رضوان نے دل سے دعا کی تھی کہ میری جلدی شادی ہوجائے اور اس کے دعا کرنے کے فورا بعد واقعی میری شادی ہوگئی۔دوسری طرف ایک سال کے ازدواجی تجربے سے متعلق شاہین آفریدی نے بتایا کہ اللہ پاک کا کرم ہے سب بے حد اچھا رہا ہے، میری شادی شدہ زندگی اچھی جارہی ہے اور ایک سال کیسے گزرا مجھے پتا ہی نہیں چلا ،مجھے اللہ پاک نے ایسی شریک حیات دی جو ہمیشہ مجھے سپورٹ کرتی ہے۔
