سندھ گیمز:واپس جانے والی فٹبال ٹیم پر حملہ،2 کھلاڑی زخمی

سندھ گیمز میں شرکت کے بعد واپس جانے والی فٹبال ٹیم پر حملہ کیا گیا ہے۔جس میں 2 کھلاڑی زخمی ہو گئے ہیں

کراچی میں ہونے والے سندھ گیمز میں شرکت کے بعد ٹندوالہیار کے قریب واپس جانے والی فٹ بال ٹیم پرحملہ کیا گیا ہے۔واقعے کے حوالے سے ذرائع کے مطابق سندھ گیمز میں شرکت کے بعد واپس جانے والی فٹبال ٹیم کی راستے میں بس میں موجود کھلاڑیوں میں تلخ کلامی کے بعد جھگڑا ہوا تھا۔

کنوینر فٹبال ٹیم میرپورخاص ڈویژن ساجد لاشاری کے مطابق ٹیم کی بس جب ٹنڈوالہیار پہنچنی تو وہاں پر پہلے سے موجود لوگوں نے ہم پر حملہ کر دیا اور ہمیں سخت تشدد کا نشانہ بنایا جس کی وجہ سے دو کھلاڑی زخمی ہو گئے ہیں۔مزید ساجد لاشاری نے بتایا ہے کہ ہمارا ایک کھلاڑی اس واقعے کے بعد لاپتہ بھی ہے۔دوسری طرف پولیس کے مطابق حملے کے واقعے میں ملوث گرفتار  ایک شخص کو کر لیا گیا ہے جبکہ چھاپے دیگر کی گرفتاری کے لیے مارے جا رہے ہیں۔