دورہ پاکستان کیلئے سری لنکا کی ون ڈے اور ٹی ٹوئنٹی ٹیموں کا اعلان کردیا گا،سری لنکن بورڈ کے مطابق سری لنکن ٹیم 8 نومبر کو کولمبو سے پاکستان کیلئے روانہ ہوگی ۔
لاہیرو ادارا، سمارا وکراما، پوون رتنائیکے، جافری وندارسے اور پرمود مدھوشان صرف ون ڈے سکواڈ میں شامل ہوں گے جبکہ داسون شناکا، کوشال پریرا، بھنوکا راجاپکسا، دوشان ہیمانتھا اور نوان توشارا صرف ٹی ٹوئنٹی کھیلیں گے ۔
سری لنکن بورڈ کے مطابق سری لنکن ٹیم 8 نومبر کو کولمبو سے پاکستان کیلئے روانہ ہوگی ۔
پاکستان اور سری لنکا کے درمیان 3 میچز پرمشتمل ون ڈے سیریز 11 نومبر سے شروع ہوگی جبکہ سہ ملکی سیریز 19 نومبر سے شروع ہوگی ۔
سری لنکن ٹیم پاکستان میں دو طرفہ ون ڈے سیریز کے علاوہ پاکستان اور زمبابوے کے خلاف سہ فریقی ٹی ٹوئنٹی سیریز بھی کھیلے گی ۔
سری لنکن کرکٹ بورڈ کے جاری کردہ اعلامیے کے مطابق سری لنکا وائٹ بال ٹیموں کی قیادت چاریتھ اسالنکا کریں گے جبکہ پاتھون نسانکا، کوشال مینڈس، کامینڈو مینڈس، کامل مشرا اور جانتھ لیاناگے دونوں سکواڈ میں شامل ہیں ۔
ان کے علاوہ ونندو ہسارنگا، مہیش ٹیکاشانا، دشمانتھا چمیرا، اسیتھا فرنینڈو اور ایشان ملنگا بھی ون ڈے اور ٹی ٹوئنٹی دونوں ہی سکواڈز کا حصہ ہیں ۔
