ضلع کوہستان میں 40 ارب روپے مالیت کے میگا کرپشن سکینڈل میں نیب خیبرپختونخوا نے تحقیقات میں اہم پیش رفت کی ہے، نیب نے 5 ارب روپے کے مشکوک بینک اکانٹس منجمد کردیے، کئی جائیدادیں اور قیمتی گاڑیاں بھی تحویل میں لے لیں ۔
پشاور: کوہستان سکینڈل کے ملزمان کے گھروں سے غیر ملکی کرنسی، 3 کلو سونا بھی برآمد کرلیا گیا ،نیب نے کروڑوں روپے مالیت کی 77 قیمتی لگژری گاڑیاں تحویل میں لے لیں ۔
رپورٹ کے مطابق اسلام آباد، راولپنڈی، ایبٹ آباد، مانسہرہ اور پشاور میں اربوں روپے مالیت کی 109 کمرشل پراپرٹیز سیل کی گئیں ۔
نیب نے ملزمان کے 4 فارم ہاؤسز، 12 کمرشل پلازے اور 2 کمرشل پلاٹس سیل کر دیے، 30 گھر، 12 دکانیں، 25 فلیٹس، 175 کنال زرعی زمین اور دیکگر اہم جائیدادیں بھی سیل کی گئی ہیں ۔
نیب کی جانب سے میگا کرپشن سکینڈل میں مزید کارروائی کا سلسلہ بھی جاری ہے،نیب ذرائع کے مطابق میگا سکینڈل میں مزيد ٹرانزیکشنز کا انکشاف متوقع ہے ۔
