سوات کی تحصیل مٹہ کے علاقے اویشہ میں گرنیڈ پھٹنے سے زور دار دھماکہ ہوا جس کے نتیجے میں 5 سالہ بچی مدیحہ جاں بحق جبکہ 8 سالہ بچہ عبدالہادی شدید زخمی ہو گیا۔
پولیس کے مطابق جاں بحق بچی کی لاش اور زخمی بچے کو فوری طور پر تحصیل ہیڈکوارٹر (ٹی ایچ کیو) اسپتال منتقل کر دیا گیا، جہاں زخمی بچے کو طبی امداد دی جا رہی ہے۔
ابتدائی اطلاعات کے مطابق گرنیڈ کچرے کے ایک ڈھیر میں موجود تھا اور بچے وہاں کھیل رہے تھے کہ اچانک دھماکہ ہو گیا۔
واقعے کی اطلاع ملتے ہی پولیس اور ریسکیو ٹیمیں موقع پر پہنچ گئیں، جبکہ علاقے میں پولیس کی بھاری نفری تعینات کر دی گئی ہے۔ پولیس کا کہنا ہے کہ واقعے کی مزید تفتیش جاری ہے اور تمام پہلوؤں سے تحقیقات کی جا رہی ہیں۔
