اسلام آباد: پاکستان کے نائب وزیراعظم و وزیر خارجہ سینیٹر اسحاق ڈار اور برطانیہ کے وزیر خارجہ ڈیوڈ لیمی کے درمیان ٹیلیفونک رابطہ ہوا ہے ۔
دفتر خارجہ کے ترجمان شفقت علی خان کے مطابق پاکستان اور برطانیہ کے وزرائے خارجہ کے درمیان ٹیلیفونک رابطہ ہوا ہے ۔
ترجمان کا کہنا ہے کہ دونوں رہنماؤں نے اقوام متحدہ سلامتی کونسل سمیت کثیرالجہتی فورمز پر دوطرفہ تعاون کو مزید فروغ دینے پر تبادلہ خیال کیا ۔
ترجمان دفترخارجہ نے کہا ہے کہ دونوں رہنماؤں نے رابطے میں رہنے اور رواں ماہ نیو یارک میں اقوام متحدہ کے اعلیٰ سطح اجلاسوں کے موقع پر ملاقات پر بھی اتفاق کیا ۔
