مردان کاٹلنگ روڈ پر گلبہار سٹاپ کے قریب شدید دھند کے باعث ٹرک اور کوسٹر میں خوفناک تصادم ہوا ہوا جس کے نتیجے میں کوسٹر ڈرائیور اور متعدد مسافر شدید زخمی ہوگئے ۔
مردان: ریسکیو حکام مردان کے مطابق حادثے میں خواتین اور بچے بھی شامل تھے، جنہیں بے ہوشی کی حالت میں فوری طور پر ہسپتال منتقل کیا گیا ۔
کوسٹر کے ڈرائیور سمیت ایک خاتون اور بچے کو مردان ہسپتال ہسپتال منتقل کرنے کے بعد پشاور ریفر کر دیا گیا ۔
ریسکیو 1122 اور ٹریفک پولیس فوری طور پر موقع پر پہنچ گئی اور زخمیوں کو طبی امداد فراہم کی۔ ٹریفک پولیس کی جانب سے مزید امدادی کارروائیاں جاری ہیں ۔
حادثہ شدید دھند کی وجہ سے پیش آیا، جس سے سڑک پر حدِ نگاہ انتہائی محدود ہوگئی تھی ۔
