لکی مروت میں دہشتگردوں نے فائرنگ کر کے ڈی ایس پی اور انکا گن مین شہید کر دیا۔ دہشگردی کا یہ واقعہ لکی مروت میں منجیولا چوک کے قریب پیش آیا۔ دہشتگردوں کی پولیس گاڑی پرفائرنگ سے ڈی ایس پی گل محمد خان اور ان کا گن مین شہید ہوگئے جبکہ گولیاں لگنے سے ایک پولیس اہلکار زخمی بھی ہوا جسے نورنگ اسپتال منتقل کردیا گیا ہے۔
واقعے کے بعد پولیس کی بھاری نفری موقع پر پہنچی اور دہشتگردوں کی گرفتاری کیلئے علاقے میں سرچ آپریشن شروع کر دیا۔ واضح رہے کہ اس سے قبل مارچ 2023 میں بھی لکی مروت میں ایک دہشتگرد حملے میں ڈی ایس پی اقبال مہمند اپنے گن مین کے ساتھ شہید ہوئے تھے۔
