مشیر اطلاعات خیبرپختونخوا بیرسٹر محمد علی سیف نے اپنے بیان میں کہا ہے کہ جعلی حکومت بدنام زمانہ آئینی ترامیم کی ناکام کوشش کررہے ہیں، ترامیم سپریم کورٹ پر شب خون مارنے کی مترادف ہے۔
مشیر اطلاعات کا کہنا تھا کہ آئین کے بانی ذوالفقار بھٹو کے نواسے بلاول بھٹو بھی بدنامہ ترامیم میں پیش پیش ہیں، ترامیم کے لئے جعلی اتحادی حکومت ٹولیوں کی شکل میں گھوم پھررہی ہے۔
انہوں نے کہا کہ بغض عمران خان میں جعلی حکومت آئین روندنے کے لئے بھی تیار ہے، جعلی مینڈیٹ والے آئینی ترامیم کے ذریعے ایک بار پھر سپریم کورٹ پر حملہ آور ہورہے ہیں۔
بیرسٹر سیف نے کہا کہ پی ٹی آئی اعلی عدلیہ کے ساتھ کھڑی ہے ازادی سلب نہیں کرنے دینگے، سپریم کورٹ نے جعلی حکومت سے ملی ہوئی الیکشن کمیشن کے منہ پر بھی طمانچہ رسید کیا۔
مشیر اطلاعات خیبرپختونخوا بیرسٹر سیف نے الیکشن کمیشن آف پاکستان پر بھی سخت تنقید کی اور کہا کہ الیکشن کمیشن نے ملک کی تباہی میں کوئی کسر نہیں چھوڑی ہے۔
