صدر مملکت آصف علی زرداری سے وفاقی وزرا نے اہم ملاقات کی ہے ، اس موقع پر صدر مملکت نے معاشی پالیسیوں میں عوامی ریلیف کو ترجیح دینے کی ہدایت کردی ۔
اسلام آباد: آصف علی زرداری سے وزیر داخلہ محسن نقوی، وزیر خزانہ محمد اورنگ زیب اور دیگر وزرا نے ملاقات کی، ملاقات کے دوران امن وامان اور معاشی صورتحال پر تبادلہ خیال کیا گیا ۔
وفاقی وزرا سے گفتگو کرتے ہوئے صدر آصف علی زرداری نے ہدایت کی کہ معاشی پالیسیوں میں عوامی ریلیف کو ترجیح دی جائے ۔
صدر مملکت کا مزید کہنا تھا کہ پیٹرولیم مصنوعات کی قیمتوں کے بوجھ کو کم سے کم رکھا جائے تاکہ عام آدمی کو سہولت فراہم کی جاسکے ۔
