عوام پر پٹرول بم گرائے جانے کی تیاریاں مکمل۔نگران حکومت کاپٹرولیم مصنوعات کی قیمتوں میں بھی اضافے کا امکان ہے
حکومت نے یکم مارچ سے پٹرولیم مصنوعات کی قیمتیں بڑھانے کی تیاری کر لی۔پٹرول ساڑھے 4جبکہ ڈیزل ڈھائی روپے فی لیٹر مہنگا ہونے کا امکان ہے۔مٹی کا تیل 2روپے 92پیسے فی لیٹر مہنگا ہو سکتا ہے جبکہ لائٹ ڈیزل آئل کی قیمتوں کو برقرار رکھنے کی تجویز دی گئی ہے۔یاد رہے کہ 15دنوں کے دوران عالمی منڈی میں خام تیل کی قیمتوں میں اتار چڑھا ؤرہا ہے۔ گزشتہ روز برنٹ آئل مارکیٹ میں خام تیل کے نرخ 81ڈالر 44سینٹ فی بیرل رہے۔ذرائع کے مطابق اوگرا قیمتوں کے متعلق اپنی حتمی ورکنگ 29فروری کو وزرات پیٹرولیم کو بھیجے گی۔ وزیراعظم سے مشاورت کے بعد وزیر خزانہ قیمتوں کا حتمی اعلان کریں گی۔پیٹرولیم مصنوعات کی قیمتیں یکم سے 15مارچ تک لاگو ہونگیں۔
