چین میں ایک یونیورسٹی کی طالبہ نے ہاتھ کی انگلی پر کاٹنے والے چوہے سے بدلہ لے لیا۔
چینی اخبار کے مطابق 18 سالہ لڑکی کو گزشتہ سال 21 دسمبر کو چوہے نے انگلی پر کاٹا تھا جس کے بعد اس نے چوہے کو مارنے کے بجائےاسے پکڑنے کا فیصلہ کیا۔اپنے مشن میں کامیاب ہونے کے بعد بدلے کے طور پر لڑکی نے چوہے کو پکڑ کر اس کے سر پر زور سے کاٹا جس سے چوہے کے سر پر دانتوں کے نشان بھی بن گئے۔
رپورٹس کے مطابق بعدازاں چوہا مر گیا کیونکہ لڑکی نے اپنا بدلہ لیتے وقت اسے دبوچ کر پکڑا ہوا تھا. چوہے کو کاٹتے وقت لڑکی کے ہونٹوں پر بھی چوٹیں آئیں جس کا اسے فوری علاج کرانا پڑا جس کے بعد اب وہ ٹھیک ہے۔لڑکی کے ساتھ رہنے والی دوسری لڑکی کا کہنا ہے کہ اپنے اس عمل پر اس کی دوست کو پچھتاوا ہے، علاج کرتے وقت ڈاکٹر بھی حیران تھا کہ وہ اس بارے میں کیا کہے کیونکہ انہوں نے اس سے پہلے اس طرح کا واقعہ پہلے کبھی نہیں دیکھا۔
