قیام پاکستان بلاشبہ انتھک قربانیوں اور محنت کا ثمر ہے،علی امین گنڈاپور

وزیراعلیٰ خیبرپختونخوا علی امین گنڈاپور نے کہا کہ قیام پاکستان بلاشبہ انتھک قربانیوں اور محنت کا ثمر ہے

یوم پاکستان کی مناسبت سے وزیراعلیٰ خیبرپختونخوا علی امین گنڈا پورنے کہا ہے کہ قیام پاکستان بلاشبہ انتھک محنت اور قربانیوں کا ثمر ہے۔اعلامیہ کے مطابق یوم پاکستان کے موقع پر اپنے خصوصی پیغام میں وزیراعلیٰ خیبرپختونخوا علی امین گنڈا پور نے قوم کو مبارک باد دیتے ہوئے کہا کہ مملکت خداداد کی بقاء، سلامتی و استحکام میں سب کو مل کر اپنا کردارادا کرنا ہوگا۔انہوں نے کہا کہ آئیں اس دن عہد کریں کہ ایمانداری کےساتھ ہم اس امانت کی حفاظت کریں اور ان نظریات اور افکار  پر کاربند رہیں جو پاکستان کے حصول کی بنیاد ہیں۔