سپارکو کے ترجمان کے مطابق اس سپر مون کو روایتی طور پر وولف مون کہا جاتا ہے۔ اس سے قبل سپر مونز کے جاری سلسلے کا آخری سپر مون اکتوبر 2025 میں دیکھا گیا تھا، جبکہ اس بار کواڈرینٹڈ شہابی بارش بھی اپنے عروج پر ہوگی۔
ترجمان نے بتایا کہ پاکستان میں سپر مون شام 5 بج کر 51 منٹ پر طلوع ہوگا، جبکہ چاند کی روشنی تقریباً 99.8 فیصد تک ہوگی۔ یہ فلکیاتی منظر 3 اور 4 جنوری کو بخوبی دیکھا جا سکے گا۔
سپارکو کے مطابق زمین اور چاند کے درمیان فاصلہ تقریباً 3 لاکھ 62 ہزار کلومیٹر ہوگا، جس کے باعث چاند معمول کے مقابلے میں 6 سے 7 فیصد بڑا اور 10 فیصد زیادہ روشن دکھائی دے گا۔
خیال رہے کہ اگلا سپر مون رواں سال کے آخر میں نومبر 2026 میں نظر آئے گا۔
