جی پی اے حملے میں جاں بحق ہونے والے سپاہیوں کی نماز جنازہ ادا کر دی گئی ہے
پاک فوج کے شعبہ تعلقات عامہ آئی ایس پی آر کے مطابق گودر پوسٹ اتھارٹی کالونی میں جاں بحق ہونے والے دونوں سپاہیوں کی نماز جنازہ ادا کر دی گئی ہے، سپاہی عمران علی اور سپاہی پہار خان کی نماز جنازہ گوادر میں ادا کی گئی، اعلامیہ کے مطابق پاک فوج ، پاک بحریہ، بلوچستان پولیس اور سول سوسائٹی کے نمائندوں نے نماز جنازہ میں شرکت کی ، جسد خاکی جاں بحق ہونے والوں کے آبائی علاقوں کو روانہ کر دیے گئے ہیں۔
مزید آئی ایس پی آر نے بتایا کہ مکمل فوجی اعزاز کے ساتھ جاں بحق افراد کو سپرد خاک کیا جائے گا، اپنے بیان میں آئی ایس پی آر نے کہا کہ پاکستان کی مسلح افواج قوم کے شانہ بشانہ کھڑی ہیں اورامن واستحکام کیلئے مسلح افواج پر عزم ہیں،دہشتگردی کی کوششیں مسلح افواج ناکام بنانے کیلئے پر عزم ہیں ۔
