وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا، پٹرول کی فی لیٹر قیمت میں 7 روپے 54 پیسے کمی کا اعلان کیا گیا ،کمی کے بعد پٹرول کی قیمت فی لیٹر 264 روپے 61 پیسے مقرر کردی گئی ۔
اسلام آباد: وزارت خزانہ کی جانب سے جاری نوٹیفکیشن میں کہا گیا کہ بین الاقوامی مارکیٹ میں تیل کی قیمت اور اوگرا سمیت متعلقہ وزارتوں کی تجاویز کی روشنی میں حکومت نے اگلے 15 روز کے لیے پیٹرولیم مصنوعات کی قیمتوں میں ردو بدل کردیا ہے ۔
نوٹیفکیشن کے مطابق پٹرول 7 روپے 54 پیسے فی لیٹر سستا کر دیا گیا جس کے بعد اس کی نئی قیمت 272 روپے 15 پیسے سے کم کرکے264 روپے 61 پیسے فی لیٹر کردی گئی ہے ۔
نوٹیفکیشن کے مطابق ہائی سپیڈ ڈیزل کی قیمت میں ایک روپے 48 پیسے فی لیٹر اضافہ کردیا گیا ہے، جس کے بعد اس کی نئی قیمت 285 روپے 93 پیسے ہوگئی ہے ۔
وزارت خزانہ کی جانب سے جاری نوٹیفکیشن میں مزید کہا گیا ہے کہ نئی قیمتوں کا اطلاق یکم اگست سے اگلے 15 روز کے لیے ہوگا ۔
