عید الفطر پر حکومت نے سرکاری طور پر چار چھٹیوں کااعلان کردیا۔عیدالفطر کی تعطیلات 10اپریل سے 13اپریل تک ہوں گی
وزیرِ اعظم شہباز شریف کی جانب سے عید الفطر پر 4تعطیلات کی منظوری دی گئی ہے۔کابینہ ڈویژن نے وزیرِ اعظم کی منظوری ملنے کے بعد ان تعطیلات کا نوٹیفکیشن بھی جاری کر دیا ہے۔نوٹیفکیشن کے مطابق ہفتے میں 6روز کام کرنے والے دفاتر میں 10سے 13اپریل تک تعطیلات ہوں گی۔نوٹیفکیشن میں یہ کہا گیا ہے کہ ہفتے میں 5روز کام کرنے والے دفاتر میں 10سے 12اپریل تک تعطیلات ہوں گی۔14 اپریل کو اتوار ہے اس لیے عملا ملازمین 5دن چھٹیاں منائیں گے۔سرکاری ملازمین نے اس فیصلے پر تنقید کرتے ہوئے کہا ہے کہ ماہرینِ فلکیات اور موسمیات کے مطابق عید الفطر 10اپریل کو ہونے کا امکان ہے۔اگر سر کاری تعطیلات 10اپریل سے شروع ہوں گی تو ملازمین اپنے آبائی علاقوں کو کب جائیں گے؟انہوں نے وزیرِ اعظم سے اپیل کی ہے کہ تعطیلات کا آغاز 9اپریل سے کیا جائے۔
