پاکستان کی ساتویں اور پہلی ڈیجیٹل مردم شماری کے جاری تفصیلی رپورٹ کے مطابق پاکستان 24 کروڑ 14 لاکھ 90 ہزار آبادی کے ساتھ دنیا کا پانچواں بڑا ملک بن گیا جبکہ آبادی میں اضافے کی سالانہ شرح 2.55 فیصد ہے۔
رپورٹ کے مطابق پاکستان تیزی سےاضافے والے دنیا کے 30 پہلے ممالک میں شامل ہوگیا، دنیا کے صرف 27 ملکوں میں آبادی بڑھنے کی شرح پاکستان سے زیادہ ہے، موجودہ رفتاربرقراررہی تو2050میں پاکستان کی آبادی 50 کروڑ کے قریب پہنچ جائے گی۔
اداہ شماریات کی رپورٹ کے مطابق پاکستان کی79 فیصدآبادی کی عمر40 سال سے کم ہے، پاکستان زیادہ نوجوان آبادی کے ساتھ دنیا کا سب سے بڑاملک بن گیا، پاکستان آبادی کی عالمی رینکنگ میں191ویں نمبرپرہے۔
رپورٹ کے مطابق بلوچستان میں آبادی بڑھنےکی رفتارسب سے زیادہ 3.2 فیصد، سندھ میں2.57 ،پنجاب میں 2.53 فیصد، خیبرپختونخوا میں آبادی بڑھنےکی سالانہ شرح 2.38 فیصد ہے۔
رپورٹ میں مزید کہا گیا ہے کہ کل آبادی میں 51.48 فیصد مرد اور48.51 فیصد خواتین ہیں، گھرانے کے افراد کی اوسط تعداد 6 اعشاریہ 30 ہے، ملک میں مسلم آبادی 96 فیصد ہے، دس سال اوراس سے زیادہ عمرکی61 فیصد آبادی خواندہ ہے۔
ادارہ شماریات مطابق ملک میں واپڈا صارفین 84 فیصد جبکہ شمسی صارفین8 فیصد ہے، ملک میں کل 3 کروڑ 83 لاکھ 18ہزار107 عمارتیں ہیں، پاکستان میں1 لاکھ 26 ہزار79 افغانی، بنگالی اوردیگرممالک لوگ بھی مقیم ہیں۔
