اسرائیل کی جانب سے حماس سربراہ اسماعیل ہنیہ کی بہن کو گرفتار کرلیاگیا ہے
اسرائیلی پولیس نے گزشتہ روز بتایا کہ اسماعیل ہنیہ کی بہن کو دہشت گردی کے الزامات میں جنوبی اسرائیل کے علاقے تل السبع سے گرفتار کیا گیاہے۔پولیس کا کہنا تھا کہ صباح عبد السلام ہنیہ ایک اسرائیلی شہری ہیں۔ انہیں حماس ارکان کے ساتھ رابطے اور اسرائیل کے اندر دہشت گردانہ کارروائیوں پر اکسانے اور ان کی حمایت کے شبے میں گرفتار کیا گیا ہے۔
مزید بتایا کہ 57سالہ صباح عبد السلام ہنیہ کے گھر سے ایسی دستاویزات، ٹیلی فون اور دیگر سامان ملا ہے جن سے ان کا اسرائیلی ریاست کے خلاف حملوں میں ملوث ہونا ثابت ہوتا ہے۔یاد رہے کہ اسماعیل ہنیہ فلسطینی مزاحمتی تنظیم حماس کے سیاسی دفتر کے سربراہ ہیں۔غزہ میں جاری اسرائیلی جارحیت کے نتیجے میں اسماعیل ہنیہ کا جواں سال پوتا اور پوتی بھی شہید ہوچکے ہیں۔مزید بتا یا کہ صباح عبد السلام ہنیہ تحقیقات میں اسرائیل کی داخلی سیکیورٹی ایجنسی شین بیت بھی شامل ہے۔
