بھارت کے خلاف آپریشن بُنیان مرصوص کی شاندار کامیابی کے بعد پاکستان سٹاک ایکسچینج میں ریکارڈ ساز کاروبار کا آغاز ہوا، سٹاک مارکیٹ میں تیزی کے تمام سابقہ ریکارڈز ٹوٹ گئے ۔
کراچی: تفصیلات کے مطابق 10ہزار 100 پوائنٹس کے ریکارڈ تیزی کے ساتھ 100 انڈیکس بڑھ 1لاکھ 17ہزار 275 پوائنٹس کی سطح پر آگیا ،کاروبار کے آغاز کے ابتدائی 2منٹ میں ریکارڈ نوعیت کی تیزی پر کاروباری سرگرمیوں کو ایک گھنٹے کے لیے معطل کر دیا گیا ۔
پی ایس ایکس ریگولیشن کے مطابق کے ایس ای 30انڈیکس 5فیصد سے زائد بڑھنے پر کاروبار معطل کیا گیا، 9 بجکر 37منٹ پر کاروبار کی معطلی کے بعد 10 بجکر 42منٹ پر کاروباری سرگرمیاں بحال ہوئیں ۔
پاکستان سٹاک ایکسچینج میں ایک گھنٹے کی معطلی کے بعد کاروبار کا آغاز ہوا جس کے بعد بھی تیزی برقرار رہی، 100 انڈیکس 9475 پوائنٹس کے اضافے سے 116650پوائنٹس کی سطح پر آگیا ۔
مارکیٹ کے 100 انڈریکس میں بتدریج اضافہ ہوتا گیا جس کے بعد 10ہزار سے زائد پوائنٹس کی ریکارڈ سطح پر پہنچ گیا ۔
