خیبرپختونخوا کے ضلع ڈیرہ اسماعیل خان میں سابق وزیراعلیٰ علی امین گنڈاپور کے حلقے میں ٹی ایم اے ملازمین گزشتہ 6 ماہ سے تنخواہوں کی عدم ادائیگی کے خلاف سراپا احتجاج ہیں۔
مظاہرین نے احتجاج کرتے ہوئے کہا کہ مسلسل 6 ماہ سے تنخواہیں نہ ملنے کے باعث انہیں شدید مالی مشکلات کا سامنا ہے۔ ملازمین کے مطابق تنخواہوں کی عدم ادائیگی سے گھریلو اخراجات پورے کرنا بھی مشکل ہوگیا ہے اور وہ شدید پریشانی میں مبتلا ہیں۔
ٹی ایم اے ملازمین نے مطالبہ کیا کہ گزشتہ 6 ماہ سے رکی ہوئی تنخواہیں فوری طور پر جاری کی جائیں تاکہ انہیں مالی مشکلات سے نجات مل سکے اور وہ اپنے اہلخانہ کے اخراجات پورے کرسکیں۔
مظاہرین کا کہنا تھا کہ طویل عرصے تک تنخواہوں کی عدم ادائیگی نے انہیں فاقہ کشی کے خطرے سے دوچار کردیا ہے، اس لیے متعلقہ حکام فوری طور پر معاملے کا نوٹس لیتے ہوئے واجبات کی ادائیگی یقینی بنائیں۔
