یومِ یکجہتی کشمیر آج پاکستان سمیت دنیا بھر میں منایاجارہا ہے.،کشمیر کے مظلوم کشمیریوں سے اظہار یکجہتی جاری ہے
آج بھارتی ظلم کے خلاف مقبوضہ کشمیر میں یوم سیاہ منایا جائے گا،ریلیاں، سیمینار اور خصوصی تقاریب ملک بھر میں منعقد کی جائیں گی ہیں۔اپنے خصوصی پیغام میں یوم یکجہتی کشمیر سے متعلق صدر مملکت عارف علوی نے کہا ہے کہ جموں و کشمیر کا منصفانہ حل ہماری خارجہ پالیسی کا اہم ستون رہے گا۔ان کا مزید کہنا تھا کہ کشمیریوں کی حق خودارادیت کے حصول تک پاکستان کشمیریوں کی حمایت جاری رکھے گا۔
یوم یکجہتی کشمیر کی مناسبت سے اسی طرح نگران وزیر اعظم انوار الحق کاکڑ نے اپنے خصوصی پیغام میں کہا کہ مسئلہ کشمیر کا حتمی اور واحد حل آزادانہ استصواب رائے سے کیا جائے گا۔عالمی برادری پر انہوں نے زور دیتے ہوئے کہا کہ مسئلہ کشمیر کوسلامتی کونسل کی قراردادوں کے مطابق حل کیا جانا چاہیے۔
اسی طرح افواج پاکستان کی جانب سے بھی یوم یکجہتی کشمیر کے موقع پر کشمیریوں کو ان کے عزم ،جوش اور جدوجہد پر خراج تحسین پیش کیا گیا ہے۔ پاک فوج کے شعبہ تعلقات عامہ (آئی ایس پی آر) کا کہنا ہے کہ غیر انسانی لاک ڈاؤن کا مقابلہ کشمیری عوام بہادری سے کر رہے ہیں،اقوام متحدہ کے ایجنڈے پر کشمیر 1948 سے ایک طویل عرصے سے زیر التوا حل طلب مسئلہ ہے۔آئی ایس پی آر کا کہنا تھا کہ مسئلہ کشمیر عوام کی امنگوں کے مطابق اور حق خودارادیت کیلئے یو این قراردادوں کے مطابق حل ہونا چاہیے، آزادی کشمیری عوام کا حق ہے۔یوم یکجہتی کشمیر کی مناسبت سے اپنے بیان میں نگران وزیراعظم کی معاون خصوصی مشعال ملک نے کہا کہ کشمیر میں ستمبر کے الیکشن میں ہندو اکثریت لانے کی کوشش ہو رہی ہے۔انہوں نے مزید کہا کہ مسلمانوں کے تاریخی مقامات کو بھارت میں تبدیل کیا جارہا ہے۔مشعال ملک نے بتایا کہ خصوصی کشمیر کمیٹی مسئلہ کشمیر سے متعلق بنادی گئی ہے اورکشمیرسے متعلق اسٹریٹیجک پالیسی تجاویز دی جائیں گی۔
