ابوظہبی: متحدہ عرب امارات میں سوشل میڈیا کے ذریعے ملکی سلامتی کو نقصان پہنچانے کے الزام میں 25 غیر ملکیوں کو گرفتار کر لیا گیا ہے۔
غیر ملکی میڈیا رپورٹس کے مطابق اماراتی حکام کا کہنا ہے کہ گرفتار افراد سوشل میڈیا پر ایسا مواد پھیلانے میں ملوث تھے جس سے قومی سلامتی کو نقصان پہنچ سکتا تھا۔
حکام کے مطابق گرفتار افراد میں 17 کا تعلق بھارت سے ہے جبکہ دو دو افراد پاکستان، نیپال اور فلپائن سے تعلق رکھتے ہیں۔ اس کے علاوہ مصر اور بنگلہ دیش سے تعلق رکھنے والا ایک ایک شخص بھی شامل ہے۔
اماراتی حکام کا مزید کہنا ہے کہ گرفتار افراد مصنوعی ذہانت (آرٹیفیشل انٹیلیجنس) کی مدد سے جعلی ویڈیوز تیار کر کے سوشل میڈیا پر پھیلا رہے تھے۔
