عمر ایوب کی 14 اپریل تک 6 مقدمات میں سفری ضمانت منظور کر لی گئی ہے
پشاور ہائیکورٹ ایبٹ آباد بنچ میں پاکستان کی قومی اسمبلی میں اپوزیشن لیڈر عمر ایوب کی پیشی ہوئی ہے۔ عدالت نے سماعت کے دوران پی ٹی آئِی رہنما کی 6 مقدمات میں 14 اپریل تک سفری ضمانت منظور کرلی ہے۔
عمر ایوب کا اس موقع پر کہنا تھا کہ میرے خلاف مختلف مقامات پر 95 بوگس مقدمات درج ہیں، ان میں قتل کے اقدامات اور دہشت گردی کی دفعات لگا کر مقدمات درج کئے گئے ہیں۔اپوزیشن لیڈر عمر ایوب کے مطابق جتنے بھی ہمارے لیڈر ہیں جیلوں سے سب کو نکالنا ہے۔بابر اعوام ایڈووکیٹ کا اس موقع پر کہنا تھا کہ پنجاب اور وفاق میں جعلی حکومتیں بنائی گئی ہیں جبکہ صدر کے انتخابات بھی غیر قانونی غیر آئینی ہو رہے ہیں۔
