واشنگٹن: امریکہ نے افغانستان سمیت 12 ممالک پر سفری پابندیاں عائد کردیں، پابندیوں کا اطلاق آئندہ پیر سے شروع سے ہوگا ۔
فرانسیسی خبر رساں ادارے کی خبر کے مطابق سفری پابندیوں کے شکار ممالک میں پاکستان شامل نہیں، امریکی صدر نے حکم نامے پر دستخط کردیئے ۔
امریکی صدر ڈونلڈ ٹرمپ نے وائٹ ہاؤس میں خطاب کے دوران ساؓق صدر جو بائیڈن کی حکومت کو سخت تنقید کا نشانہ بناتے ہوئے کہا کہ بائیڈن انتظامیہ نے امریکی تاریخ کی ناکام ترین حکومت کی ۔
گزشتہ انتظامیہ نے ہر شعبے میں بدترین کارکردگی دکھائی، ہماری حکومت آنے کے بعد مہنگائی میں کمی اور ملازمتوں کے مواقع میں اضافہ ہوا ۔
ڈونلڈ ٹرمپ کا کہنا تھا کہ ہر کوئی ہماری انتظامیہ میں شامل ہونا چاہتا ہے، امریکی تاریخ کا سنہری دور شروع ہو چکا ہے، امریکی امن سے محبت کرنے والی قوم ہے ۔
