محکمہ موسمیات نے ملک کے بالائی علاقوں میں مغربی ہواؤں کے داخل ہونے کا امکان ظاہر کردیا ہے۔
جبکہ محکمہ موسمیات کے مطابق سندھ کے بیشتر اضلاع میں موسم شدید گرم ہو گا،جبکہ اس کے برعکس ساحلی علاقوں میں موسم گرم اور مرطوب رہے گا، جبکہ بالائی سندھ میں آندھی اور جھکڑ چلنے کا امکان ظٓاہر کیاگیا ہے۔
محکمہ موسمیات کے مطابق جنوبی علاقوں میں دوپہر کے بعد سے گرد آلود ہوائیں اور جھکڑ چلنے کا امکان ہے، ملک کے بیشتر علاقوں میں موسم شدید گرم جبکہ جنوبی علاقے شدیدگرم رہیں گے۔محکمہ موسمیات نے گلگت بلتستان، کشمیر اور بالائی خیبر پختونخوا میں آندھی اور ہلکی بارش کا امکان ظاہر کیا ہے جبکہ اس کے ساتھ ہی شمال مشرقی پنجاب، خطہ پوٹھوہار اور اسلام آباد میں آندھی اور چند مقامات پر بارش متوقع ہے۔
