پاکستانی نوبل امن انعام یافتہ ملالہ یوسفزئی نے اداکاری کی دنیا میں بھی قدم رکھ دیا ہے۔اب ملالہ یوسفزئی برطانوی میوزیکل کامیڈی ویب سیریز میں اداکاری کریں گی۔ بہت جلد ہی ملالہ یوسفزئی کو فلمی اسکرین پر ’کاؤ گرل‘ کے روپ میں اداکاری کرتے دیکھا جائے گا۔
پاکستانی نوبل امن انعام یافتہ ملالہ یوسفزئی ’ایکسٹرا کریکیولر‘ نامی فلم پروڈکشن ہاؤس کے ذریعے اداکاری کے شعبے میں قدم رکھ رہی ہیں، ملالہ ویب سیریز ’وی آر لیڈی پارٹس‘ کے سیزن 2 میں نظر آئیں گی۔حال ہی میں ملالہ یوسفزئی نے اپنی ویب سیریز اور اداکاری کے آغاز سے متعلق غیر ملکی میڈیا ’برٹش ووگ‘ کو خصوصی انٹرویو دیا۔ ویب سیریز میں اداکاری کرنے پر ملالہ یوسفزئی نے بتایا ہے کہ آخر کار میں اپنے اندر چھپی ہوئی صلاحتیوں کو دکھا رہی ہوں۔ملالہ یوسفزئی نے خوشی کا اظہار کرتے ہوئے کہا ہے کہ ’مجھے کبھی بھی فلمی پروجیکٹس میں آنے کی توقع نہیں تھی، اس لئے آخرکار میں اپنی چھپی ہوئی صلاحیتوں کو ظاہر کر رہی ہوں۔
انٹرویو کے دوران ملالہ یوسفزئی نے انکشاف کیا ہے کہ اُنہیں ماضی سے ہی اداکاری کا شوق تھا۔یاد رہے کہ میوزیکل کامیڈی ویب سیریز ’وی آر دی لیڈی پارٹس‘ کا پہلا سیزن مئی 2021ء کو ریلیز کیا گیا تھا۔ اس ویب سیریز کی کہانی مسلم نوجوان لڑکیوں کی جدوجہد کے گرد گھومتی ہے جو کہ بہت سی مشکلات کے باوجود بھی میوزک کی دنیا میں اپنا نام کمانے میں کامیاب ہوجاتی ہیں۔
