Close Menu
اخبارِخیبرپشاور
    مفید لنکس
    • پښتو خبرونه
    • انگریزی خبریں
    • ہم سے رابطہ کریں
    Facebook X (Twitter) Instagram
    منگل, جولائی 1, 2025
    • ہم سے رابطہ کریں
    بریکنگ نیوز
    • خیبرپختونخوا میں رواں سال کی دوسری سہ ماہی میں پرتشدد واقعات میں کمی ریکارڈ
    • خیبرپختونخوا اسمبلی کو مخصوص نشستوں پرحلف سے روک دیا گیا
    • نئے مالی سال کے آغاز پرسٹاک ایکسچینج میں زبردست تیزی، وزیراعظم کا اظہارِ اطمینان
    • لکی مروت میں نامعلوم افراد کی فائرنگ، ٹریفک پولیس کے 2 اہلکار شہید
    • فتنۂ الخوارج اور فتنۂ الہندستان: بھارت کی ریاستی دہشتگردی بے نقاب
    • حکومت نے پٹرولیم مصنوعات کی قیمتوں میں اضافہ کردیا
    • سکردو سے گلگت جانے والے پشاور کے رہائشی 4 سیاح گاڑی سمت لاپتہ، تلاش جاری
    • صدر مملکت نے فنانس بل 26-2025 کی منظوری دے دی
    Facebook X (Twitter) RSS
    اخبارِخیبرپشاوراخبارِخیبرپشاور
    پښتو خبرونه انگریزی خبریں
    • صفحہ اول
    • اہم خبریں
    • قومی خبریں
    • بلوچستان
    • خیبرپختونخواہ
    • شوبز
    • کھیل
    • دلچسپ و عجیب
    • بلاگ
    اخبارِخیبرپشاور
    آپ پر ہیں:Home » جب میں مر رہا تھا!
    بلاگ

    جب میں مر رہا تھا!

    مئی 4, 2025Updated:مئی 4, 2025کوئی تبصرہ نہیں ہے۔5 Mins Read
    Facebook Twitter Email
    When I was dying
    اُنہوں نے اپنے ہی گھر میں، اپنی اولاد کے درمیان، سکون سے آخری سانس لی اور میں… جیسے اس دن مر گیا ۔
    Share
    Facebook Twitter Email

    آفاقیات

    پشاور سے رشید آفاق کی خصوصی تحریر: ۔

    یہ ایک سال، چار مہینے اور تین دن پہلے کی بات ہے۔ اُس دن میں صبح معمول سے بھی پہلے جاگ گیا۔ اگرچہ میں ہمیشہ خود ہی جاگتا ہوں اور مجھے یاد نہیں کہ زندگی میں کبھی کسی نے مجھے جگایا ہو، مگر اُس دن کی صبح کچھ الگ تھی۔ دل گواہی دے رہا تھا کہ کچھ غیرمعمولی ہونے والا ہے، جیسے قیامت آ جائے یا قبر میں اُترنے کا وقت ہو۔

    حسبِ معمول میں نے چرند و پرند کے لیے خوراک اور پانی رکھا، مگر دل بےحد بوجھل تھا۔ سوچا دفتر جاؤں یا نہیں؟ بالآخر دفتر فون کر کے چھٹی لے لی۔ اچانک پورے جسم میں درد کی ایک لہر سی اٹھی، جو جیسے مختلف زاویوں سے آ کر دل میں اُترتی رہی۔ سمجھ نہ آیا کہ کیا ہو رہا ہے۔ کچھ سوچے بغیر ہلکا سا ناشتہ کیا اور سیدھا ہسپتال چلا گیا،جہاں امی جی پچھلے تیرہ دنوں سے داخل تھیں۔

    جب ان سے ملا تو ہمیشہ کی طرح مسکرا کر میرا استقبال کیا۔ کہنے لگیں: “آگئے زامنی؟” میں نے ان کا ماتھا چوما اور کہا: “ہاں، آج سارا دن تمہارے ساتھ ہی رہوں گا۔” انہوں نے کہا: “نہیں، تم دفتر جاؤ۔” مگر میں نے انکار کیا۔

    دو سال پہلے جب ہم نے انہیں ایل آر ایچ میں داخل کیا تھا، تو ڈسچارج کے وقت انہوں نے کہا تھا: “ان دنوں میں میں اپنی موت کی دعا کرتی رہی۔” میں نے حیرت سے پوچھا: “ایسا کیوں؟” بولیں: “جب تم دفتر سے تھکے ہارے میرے لیے آتے، تو میرا دل کرتا کہ مر جاؤں، تاکہ تمہیں یہ تکلیف نہ اٹھانی پڑے۔”

    وہ واقعی ایک خوددار عورت تھیں۔ اُس دن ڈاکٹروں نے کہا کہ امی کو شام تک گھر بھیجا جا سکتا ہے۔ ہم سب بہت خوش ہوئے۔ عزیز جان صدقے کے لیے بکرے لے آئے،لیکن پھر اسی ڈاکٹر نے کہا کہ نہیں تین چار دن اسے مزید ہسپتال میں رہنا ہوگا،ہمارے لئے یہ مشکل تھا کہ اب اسے کون بتائیگا کہ مزید کچھ دن یہاں رہینگے،ہسپتال کے ڈائریکٹر ڈاکٹر ظفر آفریدی کو میں نے صورتحال بتائی تو انہوں نے دس بارہ ڈاکٹروں کو بلایا، وہ خود بھی آگئے پھر ڈاکٹروں کی مشاورت سے ہم اسے گھر لائے،راستے میں میری بیوی نے بتایا کہ دوائی بھی ساتھ کسی میڈیکل سٹور سے لے لو،میں نے کہا کہ وہ بعد میں،میں گھر سے آکر لے لونگا میں نہیں چاہتا کہ وہ ایمبولینس میں انتظار کریں،

    جب شام کو انہیں گھر لایا گیا تو گھر کا ہر فرد خوشی سے جھوم اٹھا۔ پوتے، پوتیاں، نواسے، نواسیاں، سب سے ملیں۔ میں نے انہیں اپنے ہاتھوں سے دوا اور کھانا دیا۔ وہ بولیں: “تم اپنے کمرے میں جا کر آرام کرو، سارا دن تھکے ہوئے ہو۔”

    رات دیر تک میں ان کے ساتھ بیٹھا رہا۔ ساڑھے چار بجے انہوں نے میرے تیسرے بھائی گوہر جان کو کہا کہ جا کر سو جاؤ۔ جب وہ نہ مانے، تو انہیں غصے سے کہا: “باہر جاؤ اور سو جاؤ۔” گویا انہیں معلوم تھا کہ وہ آخری لمحے میں ہیں، اور وہ نہیں چاہتی تھیں کہ گوہر جان اُن کے سامنے یہ منظر دیکھے۔

    گوہر جان بعد میں کہتا تھا کہ وہ کمرے کے دروازے کے قریب ہی بیٹھا رہا۔ چند منٹ تک وہ کلمہ دہراتی رہیں اور پھر خاموش ہو گئیں۔

    جب میں دوڑ کر اُن کے کمرے میں گیا، تو ان کی روح پرواز کر چکی تھی،
    پھر اگلا مرحلہ مجھے بتانے کا تھا،ڈاکٹروں نے بتایا تھا کہ اگر ان کی منہ یا ناک سے خون بہنا شروع ہوجائے تو پھر ہسپتال لانا ورنہ ایک ہفتے کے بعد ہی لانا،
    میری ایک سسٹر نے آکر مجھے بتایا کہ عزیز جان تمہیں ایک منٹ میں نیچے بلارہاہے اور میں آدھے منٹ میں امی جان کے کمرے میں پہنچا،مجھے لگا کہ وہ تکلیف میں ہیں لیکن پھر اچانک ان کا رنگ مجھے بہت پیلا لگا ان کی جسم کو ہاتھ لگایا تو وہ بہت ٹھنڈا تھا اور مجھے ایسا لگا جیسے جنوری کے اس مہینے میں کسی نے مجھے ہمالیہ میں گرایا ہے،میرا وجود سن ہوگیا،
    مجھے ایسا لگا جیسے کسی نے مجھے جہنم میں دھکیل دیا ہو، یا جیسے میرے جسم میں آگ بھر دی ہو۔ میں ان کی چارپائی کے ساتھ گر گیا۔ تب جانا کہ وقت سے پہلے قیامت کیسے آتی ہے۔

    میں یقین ہی نہیں کر پا رہا تھا کہ وہ ہستی، جس نے مجھے زندگی دی، جینا سکھایا،اب اس دنیا میں نہیں رہی۔

    وہ خوش نصیب تھیں کہ اُن کے تمام بچے اور عزیز اُن کے ساتھ تھے۔ اُنہوں نے اپنے ہی گھر میں، اپنی اولاد کے درمیان، سکون سے آخری سانس لی۔ اور میں… جیسے اس دن مر گیا۔

    لوگ تعزیت کے لیے آتے رہے، دعائیں دیتے رہے، مگر میرے اندر کا انسان شاید اسی دن دفن ہو چکا تھا۔ اب کبھی کبھی لگتا ہے کہ میں سانس تو لے رہا ہوں،لیکن صرف سانس لینا ہی تو زندگی نہیں ہے،سانس تو درخت بھی لیتے ہیں، اپنی اپنی جگہ منجمد کھڑے۔ میں بھی ویسا ہی ہوں۔

    زندگی اور اس سے جڑی ساری رعنائیاں ہم سے رخصت ہو چکی ہیں۔
    اللہ تعالیٰ ہم سب کا حامی و ناصر ہو۔ امین

    Share. Facebook Twitter Email
    Previous Articleترک بحریہ کا جہاز خیر سگالی دورے پر کراچی بندرگاہ پہنچ گیا
    Next Article بھارتی جارحیت،پاکستان کا اقوام متحدہ سےباضابطہ رجوع کرنے کا فیصلہ
    Arshad Iqbal

    Related Posts

    بے بسی اور بے حسی!

    جون 29, 2025

    سیلاب آیا، زندگیاں گئیں، خیبرپختونخوا حکومت کہاں تھی؟

    جون 28, 2025

    فتنہ خوارج اور مقامی سہولت کاری – خاموشی کب تک؟

    جون 28, 2025
    Leave A Reply Cancel Reply

    Khyber News YouTube Channel
    khybernews streaming
    فولو کریں
    • Facebook
    • Twitter
    • YouTube
    مقبول خبریں

    خیبرپختونخوا میں رواں سال کی دوسری سہ ماہی میں پرتشدد واقعات میں کمی ریکارڈ

    جولائی 1, 2025

    خیبرپختونخوا اسمبلی کو مخصوص نشستوں پرحلف سے روک دیا گیا

    جولائی 1, 2025

    نئے مالی سال کے آغاز پرسٹاک ایکسچینج میں زبردست تیزی، وزیراعظم کا اظہارِ اطمینان

    جولائی 1, 2025

    لکی مروت میں نامعلوم افراد کی فائرنگ، ٹریفک پولیس کے 2 اہلکار شہید

    جولائی 1, 2025

    فتنۂ الخوارج اور فتنۂ الہندستان: بھارت کی ریاستی دہشتگردی بے نقاب

    جولائی 1, 2025
    Facebook X (Twitter) Instagram
    تمام مواد کے جملہ حقوق محفوظ ہیں © 2025 اخبار خیبر (خیبر نیٹ ورک)

    Type above and press Enter to search. Press Esc to cancel.