خیبرپختونخوا کے ضلع خیبر میں دھماکا ہوا ہے۔ جس میں ایڈیشنل ایس ایچ او شہید ہو گئے۔ تفصیلات کے مطابق خیبرپختونخوا کے ضلع خیبر کی علی مسجد کے علاقے میں دھماکا ہوا، اس دوران ایڈیشنل ایس ایچ او عدنان آفریدی شہید ہو گئے جبکہ دیگر شدید زخمی ہو گئے ہیں۔ پولیس نے بھی ایڈیشنل ایس ایچ او کے شہید ہونے کی تصدیق کی ہے۔
پولیس کا کہنا ہے کہ ریسکیو ٹیمیں جائے وقوعہ پر روانہ کر دی گئی ہیں۔ دوسری طرف سکیورٹی فورسز نے علاقے کو گھیرے میں لیکر سرچ آپریشن شروع کر دیا ہے۔ اس سے قبل 20 جولائی کو بم دھماکا ہوا تھا جس میں چار پولیس اہلکار شہید ہو گئے تھے۔
