ایشین کرکٹ کونسل نے ایشیاکپ 2022کے شیڈول کا اعلان کردیا
دبئی(مانیٹرنگ ڈیسک) ایشین کرکٹ کونسل نے ایشیاکپ 2022کے شیڈول کا اعلان کردیا۔ پاکستان اور بھارت کی ٹیمیں 28اگست اتوار کو دبئی کرکٹ اسٹیڈیم میں ایک دوسرے کے مدمقابل آئیں گی۔
ایشین کرکٹ کونسل کے صدر جے شاہ نے تصدیق کی ہے کہ ٹورنامنٹ کے مکمل شیڈول کا اعلان کردیا گیا ہے۔ میگا ایونٹ کا افتتاحی میچ 27اگست کو سری لنکا اور افغانستان ہوگا۔
The wait is finally over as the battle for Asian supremacy commences on 27th August with the all-important final on 11th September.
The 15th edition of the Asia Cup will serve as ideal preparation ahead of the ICC T20 World Cup. pic.twitter.com/QfTskWX6RD
— Jay Shah (@JayShah) August 2, 2022
” rel=”noopener” target=”_blank”>
ایشین ٹائٹل پر حکمرانی کی جنگ 27سے شروع ہوگی ۔ ایونٹ کا فائنل دبئی انٹرنیشنل اسٹیڈیم میں11ستمبر کو کھیلا جائے گا۔
روایتی حریف پاکستان اور بھارت کی ٹیمیں آئی سی سی ٹی20ورلڈکپ2021کے بعد پہلی بار ایک دوسرے کے مدمقابل آئیں گی۔ ایونٹ میں قومی ٹیم نے بھارتی سورماؤں کو بابراعظم کی قیادت میں10وکٹوں سے شکست دی تھی۔
واضح رہے کہ ایشیا کپ کا انعقاد ہر 2سال بعد کیا جاتا ہے ۔ 2020میں ایشین کرکٹ کونسل نے کوروناکے باعث ٹورنامنٹ منسوخ کر دیا تھا۔یاد رہے کہ سال 2023میں ایشیا کپ کی میزبانی پاکستان کرے گا۔