خیبرپختونخوا کے وزیر اطلاعات شوکت یوسفزئی سے قلمدان واپس

پشاور: خیبرپختونخوا کے وزیر اطلاعات شوکت یوسفزئی سے محکمہ اطلاعات کا قلمدان واپس لے لیا گیا۔

محکمہ ایڈمنسٹریشن کے کیبنٹ ونگ کی جانب سے جاری اعلامیہ کے مطابق وزیراعلیٰ کے مشیر برائے قبائلی اضلاع اجمل وزیر کو اطلاعات کا قلمدان سونپ دیا گیا ہے۔  جب کہ شوکت یوسفزئی سے اطلاعات کا قلم دان واپس لے کر لیبر اور ثقافت کے محکمے دیئے گئے ہیں۔

ذرائع کے مطابق شوکت یوسفزئی نے وزیراعلیٰ سے اطلاعات کا محکمہ واپس لینے کی درخواست کی تھی، اس سے قبل محکمہ ثقافت برطرف وزیر عاطف خان کے پاس تھا۔