خیبر ٹیلی وژن نیٹ ورک کے زیراہتمام خیبر سپر لیگ آج سے اسلام آباد میں شروع ہو رہی ہے۔ سپر لیگ میں مختلف ٹیلی وژن چینلز کی کرکٹ ٹیمیں ٹرافی کے حصول کے لیے پنجہ آزمائی کریں گی۔ ایونٹ کے تمام میچز جی۔ایٹ کرکٹ گرائونڈ اسلام آباد میں صبح نو بجے سے کھیلے جائیں گے۔ ٹورنامنٹ اکیس اکتوبر سے بائیس اکتوبر تک جاری رہے گا۔
شاندار کرکٹ ایونٹ میں چھ ٹیمیں حصہ لے رہی ہیں جس میں خیبر نیٹ ورک کی دو ٹیمیں شامل ہیں۔ خیبرسپرلیگ چیمپینز ٹرافی کی تقریب رونمائی کے ٹو ٹی وی کی اسپیشل ٹرانسمشن ٹی ٹونٹی تماشا میں کی گئی۔ تقریب میں تمام ٹیموں نے اپنی آفیشل کٹس بھی دکھائیں۔ ناظرین کا کہنا ہے کہ اس طرح کے ٹورنامنٹس کا انعقاد میڈیا کارکنان کے درمیان صحت مندانہ سرگرمیوں کو فروغ دے گا۔
