اسلام آباد: سابق وزیراعظم اور مسلم لیگ نواز کے قائد میاں نواز شریف کا نام ایگزٹ کنٹرول لسٹ (ای سی ایل) سے نکالنے کے معاملے پر شریف خاندان نے کابینہ کی ذیلی کمیٹی کے اجلاس کا بائیکاٹ کرنے کا فیصلہ کرلیا۔
ن لیگی ذرائع کے مطابق شریف خاندان ضمانتی بانڈ نہ دینے کے فیصلہ پر ڈٹ گیا ہے اور خاندان کے نمائندے آج کے اجلاس میں شریک نہیں ہوں گے۔ ذرائع کا کہنا ہے کہ شریف خاندان اپنا موقف کمیٹی کو پیش کر چکا ہے اور ایک ہی مؤقف بار بار دہرانے کا کوئی فائدہ نہیں۔