وفاقی حکومت نے ضم اضلاع کے لئے ٹیکس چھوٹ ختم کرنے کا اعلان کر دیا۔ حکومت کا کہنا ہے کہ سابق فاٹا اور پاٹا بھی اب ٹیکس نیٹ میں آئیں گے۔
وفاقی وزیر خزانہ محمد اورنگزیب نے کہا ہے سابقہ پاٹا اور فاٹا کی ٹیکس اور ڈیوٹی چھوٹ کا استثنیٰ 30جون کو ختم ہو جائے گا۔ 6سال سے استثنیٰ چل رہا ہے جسے واپس لیا جا رہا ہے، ان میں کوئی نئی قانون سازی تجویز نہیں کر رہے۔
قومی اسمبلی میں وزیر خزانہ نے سابقہ پاٹا اور فاٹا کی ٹیکس اور ڈیوٹی چھوٹ واپس لینے کی تجویز پر کہا کہ پچیسویں آئینی ترمیم کے بعد ٹیکس لا فاٹا اور پاٹا پر بھی نافذ ہوئے۔ ان علاقوں کو 2023 تک سیلز ٹیکس اور انکم ٹیکس کی چھوٹ دی گئی، پھر ان علاقوں کو ایک سال کا مزید استثنیٰ دیا گیا جو 30 جون کو ختم ہونے جا رہا ہے ۔
اس پر سنی اتحاد کونسل کے رہنما سلیم رحمان نے کہا کہ ہم اس طرح یہ ٹیکس نہیں دیں گے، ہم احتجاج کریں گے، کشمیر میں جو احتجاج ہوا ہے اس سے زیادہ کریں گے ۔
