لیفٹیننٹ جنرل ریٹائرڈ اسد درانی 2008سے را سے رابطے میں ہیں

تفصیلات کے مطابق لیفٹیننٹ جنرل ریٹائرڈ اسد درانی نے اپنا نام ای سی ایل سے نکالنے کے لیئے اسلام آباد ہائیکورٹ سے رجوع کر رکھا ہے۔جس پر وزارت دفاع نے بھی اپنا جواب طلب جمع کرادیا ہے۔

جمع کرائے گئے تحریری جواب میں وزارت دفاع نے کہا کہ مکمل ثبوت ہیں لیفٹیننٹ جنرل ریٹائرڈ اسد درانی کے 2008سے بھارتی خفیہ ایجنسی را سے رابطے رہے ہیں اور اس کے ساتھ دیگر ملک دشمن ایجنسیز کے ساتھ بھی وہ رابطے میں رہے ۔

وزارت دفاع نے اپنے جواب میں کہا اسد درانی نے کچھ کتابیں بھی تدوین کیں جن میں ملکی اعلی قیادت اور ملکی سلامتی کے خلاف باتیں کی گئیں۔

اسد درانی سے اس معاملے پر میڈیا جب موقف جاننا چاہا تو انہوں نے کہا یہ معاملہ عدالت میں ہے اس لیئے کوئی بات نہیں کر سکتا۔