ملتان(ویب ڈیسک)ملتان ٹیسٹ میں انگلینڈ کی ٹیم پاکستان کیخلاف دوسرے ٹیسٹ کے پہلے روز 281 رنز بنا کر پویلین واپس لوٹ گئی۔ جواب میں پاکستان نے 2 وکٹوں کے نقصان پر 107 رنز بنا لئے ہیں۔ پہلے دن کا کھیل اختتام پذیر ہوگیا۔
ملتان کرکٹ سٹیڈیم میں کھیلے جارہے میچ میں قومی ٹیم کیلئے ڈیبیو کرنے والے ابرار احمد نے انگلش ٹیم کے 7 کھلاڑیوں کو پویلین کی راہ دیکھائی۔ زیک کرولی 19، بین ڈکٹ63، اولی پوپ 60، جو روٹ 8، ہیری بروک 9 ،بین سٹوکس 30 اور ول جیکس 31 رنز بنا کر آؤٹ ہوئے۔
.jpg)
اس سے قبل انگلش ٹیم کے کپتان بین اسٹوکس نے ٹاس جیت پہلے بیٹنگ کرنے کا فیصلہ کیا۔ انہوں نے کہا کہ راولپنڈی سے مختلف پچ ہے کوشش ہوگی پاکستان کو انڈر پریشر رکھیں۔
اس موقع قومی ٹیم کے کپتان بابراعظم نے کہا کہ ٹاس جیتتے تو پہلے بیٹنگ کرتے تاہم جلد انگلش بیٹرز کی وکٹیں حاصل کرکے میچ میں کم بیک کریں گے۔
دوسری جانب قومی ٹیم کے نوجوان فاسٹ بولر نسیم شاہ اور حارث رؤف انجریز کے باعث ملتان ٹیسٹ سے باہر ہو گئے ہیں۔ واضح رہے کہ قومی ٹیم میں تین تبدیلیاں کی گئیں۔ ابرار احمد کا آج ڈیبیو ہوا ہے۔ نسیم شاہ اور اظہر علی کی جگہ فہیم اشرف اور محمد نواز کو پلئینگ الیون کا حصہ بنایا گیا ہے۔ دوسری جانب پاکستان نے ہدف کے تعاقب میں دوسری اننگ میں کھیل کا آغاز کیا تو اوپنر امام الحق صفر عبداللہ شفیق 14 رنز بناکر پویلین لوٹ گئے۔ اس کے بعد کپتان بابراعظم 61 اور سعود شکیل 32 رنز بناکر کریز پر موجود ہیں۔ پہلے دن کے کھیل کے اختتام تک پاکستان نے دو وکٹوں کے نقصان پر 107 رنز بنا لئے۔
پاکستان کا سکواڈ
کپتان بابراعظم، امام الحق، عبداللہ شفیق، سعود شکیل، محمد رضوان، آغا سلمان، محمد نواز، فہیم اشرف، زاہد محمود، ابرار احمد اور محمد علی شامل ہیں۔
انگلینڈ کا سکواڈ
کپتان بین سٹوکس، زیک کرولی، بین ڈکٹ، اولی پوپ، جو روٹ، ہیری بروک، ول جیکس، اولی رابنسن، جیک لیچ، مارک ووڈ اور جیمز اینڈرسن شامل ہیں۔
