نیب خیبر پختونخوا نے مردان میں اوقاف کی زیر ملکیت جائیدادوں کی نیلامی میں کرپشن میں ملوث ملزم اشرف علی کو گرفتار کر لیا۔

مردان واجد ہوتی سے۔
نیب خیبر پختونخوا نے اشرف علی کو گرفتار کرلیا
نیب خیبر پختونخوا نے مردان میں اوقاف کی زیر ملکیت جائیدادوں کی نیلامی میں کرپشن میں ملوث ملزم اشرف علی کو گرفتار کر لیا۔

تفصیلات کے مطابق نیب خیبر پختونخوا نے کئی شکایات موصول ہونے پر محکمہ اوقاف خیبر پختونخوا کے افسران / اہلکاروں کے خلاف تحقیقات شروع کی۔ کارروائی کے دوران ثابت ہوا کہ ملزم اشرف علی نے محکمہ اوقاف کے افسران کے ساتھ مل کر غیر قانونی طریقے اور دھوکہ دہی سے زمین کی نوعیت کو زرعی سے صنعتی میں تبدیل کر دیا اور ہاؤسنگ سوسائٹی کے قیام کے لیے مانی خیلہ اور غلہ ڈھیر مردان میں قیمتی اوقاف کی جائیدادوں کی لیز حاصل کی۔

ملزم کو احتساب عدالت میں پیش کیا گیا .ملزم کو تحویل میں بھی لیا گیا ہے. تفتیش جاری ہے ، مزید حقائق سامنے آرہے ہیں۔ اور یہ کہ ملزم نے پشاور میں بھی سرکاری زمین کی نیلامی میں کرپشن کی ہے

ڈی جی نیب بریگیڈیئر (ر) فاروق ناصر اعوان نے اس عزم کا اظہار کیا ہے کہ چیئرمین نیب جسٹس جاوید اقبال کی ہدایات کے مطابق قانون کے مطابق ٹھوس شواہد کی بنیاد پر احتساب کرنے کے لیے پرعزم ہے۔ انہوں نے مزید کہا کہ بدعنوانی کا خاتمہ نہ صرف ہماری سماجی اور اخلاقی ذمہ داری ہے بلکہ یہ ہماری آنے والی نسلوں کے خوشحال مستقبل کو بھی یقینی بناتا ہے۔