مرکزی رویت ہلال کمیٹی کا اجلاس وزارت مذہبی امور کوہسار بلاک اسلام آباد میں ہوا ۔اجلاس کی صدارت مولانا کمیٹی کے چیئرمین عبدالخبیر آزاد نے کی۔
رویت ہلال کمیٹی کی معاونت کیلیے سپارکو، محکمہ موسمیات اور وزارت سائنس و ٹیکنالوجی کے نمائندے بھی شریک تھے۔
کمیٹی کے اجلاس کے بعد اپنے بیان میں رویت ہلال کمیٹی کے چیئرمین مولانا عبدالخبیر آزاد نے کہا کہ ملک کے کسی بھی حصے سے چاند نظر آنے کی شہادتیں موصول نہیں ہوئیں۔
چیئرمین رویت ہلال کمیٹی نے اعلان کرتے ہوئے کہا کہ یکم ربیع الاول 6 ستمبر جمعہ کو ہوگی اور 12 ربیع الاول 17 ستمبر بروز منگل ہوگی۔
کراچی، کوئٹہ، راولپنڈی، پشاور میں بھی زونل کمیٹیوں کے اجلاس ہوئے۔
