نوشہرہ اور دیر بالا میں ٹریفک حادثات کے باعث 7 افراد جاں بحق، جبکہ 8 افراد زخمی ہوگئے ہیں۔
خیبرپختونخوا کے اضلاع دیر بالا اور نوشہرہ میں ٹریفک حادثات کی وجہ سے7 افراد جاں بحق جبکہ 8 زخمی ہو گئے ہیں۔اعلامیہ کے مطابق ضلع نوشہرہ میں پیرسباق پل کے قریب ٹریفک حادثہ پیش آیا۔ اس حادثہ میں موٹر سائیکل ٹریکٹر کے ساتھ جا ٹکرائی۔ موٹر سائیکل پر سوار دونوں افراد موقع پر ہی جاں بحق ہو گئے۔
واضح رہے کہ دونوں جاں بحق افراد کا تعلق پیرسباق غلہ ڈھیر سے ہے۔ جاں بحق افراد کی شناخت روحان گل اور راعظیم خان کے نام سے ہوئی ہے۔مقامی افراد اور پولیس نے لاشوں کو قاضی میڈیکل کمپلیکس میں منتقل کر دیا ہے۔
اس کے ساتھ ہی ضلع دیر بالا میں بھی ٹریفک حادثات کے دوران 5 افراد جاں بحق جبکہ 8 افراد شدید زخمی ہو گئے ہیں۔دیر بالا میں پیش آنے والے ان حادثات میں جاں بحق ہونیوالوں میں 2 بچیاں جبکہ 3 نوجوان شامل ہیں۔واضح رہے کہ دیر بالا اور نوشہرہ میں پیش آنے والے حادثات کے دوران مجموعی طور پر 7 افراد جاں بحق جبکہ 8 زخمی ہو گئے ہیں۔
