پشاور میں پیش آئے ایک افسوسناک واقعے میں باپ نے بیٹے کو اس بات پر قتل کر دیا کہ وہ سیاسی سرگرمیوں میں حصہ کیوں لیتا یے۔
ذرائع کے مطابق پشاور میں کے تھانہ بڈھ بیرکی حدود میں باپ بیٹے کے درمیان سیاست پر بحث ہوئی۔ قاتل اپنے بیٹے کو سیاست سے دور رہنے کی تلقین کر رہا تھا کہ اس دوران تلخ کلامی ہو گئی۔ طیش میں آ کر ملزم نورالرحمٰن نے بیٹے کو فائرنگ کرکے قتل کردیا۔ ملزم واردات کے بعد فرار ہونے میں کامیاب ہوگیا، پولیس نے جائے وقوعہ سے شواہد اکٹھے کرکےتحقیقات کا آغاز کردیا۔
پولیس کے مطابق مقتول بیرون ملک کام کرتا تھا اور 2 ماہ قبل وطن واپس آیا تھا۔ پولیس کے مطابق مقتول کے دیگر لواحقین کی مدعیت میں مقدمہ درج کیا جائے گا۔
