شمالی وزیرستان میں نامعلوم افراد کی فائرنگ کی وجہ سے ایک شخص جاں بحق ہوگیا
شمالی وزیرستان میں ایک شخص نامعلوم افراد کی فائرنگ سےجاں بحق ہو گیا۔پولیس کے مطابق شمالی وزیرستان کی تحصیل رزمک بازار میں یہ واقعہ پیش آیا جہاں پر نامعلوم افراد نے عصر کی نماز کے بعد فائرنگ کرکے محمد رئیس نامی شخص کو موت کے گھاٹ اتار دیا ۔مقتول محمد رئیس کا تعلق گائوں زاکر خیل سے بتایا جارہا ہے ،پولیس نے مقتول کی لاش کو تحصیل سول ہسپتال رزمک منتقل کردیا ہے۔وارودات کے بعد نامعلوم مسلح افرادفرار ہونے میں کامیاب ہو گئے ہیں۔پولیس نے مقدمہ درج کرکے مزید تفتیش شروع کردی ہے ۔
