سابق کپتان شعیب ملک کی اہلیہ اداکارہ ثنا جاوید کی برمنگھم سے ایک ویڈیو وائرل ہوئی ہے۔اس ویڈیو میں وہ صحافیوں سے اپنی ریکارڈنگ کرنے پر غصے میں آگئی۔
آج کل پاکستانی اداکارہ ثنا جاوید اپنے شوہر شعیب ملک کے ساتھ لندن میں رہ رہی ہیں۔ گزشتہ ہفتے اداکارہ ثنا جاوید کو لندن میں ہونے والی ورلڈ چیمپئن شپ آف لیجنڈز کے دوران شوہر شعیب ملک کو کھیل کے میدان میں سپورٹ کرتے ہوئے دیکھا گیا تھا.اس کے بعد اب ثنا جاوید کی برمنگھم سے نئی ویڈیو سوشل میڈیا پر وائرل ہورہی ہے جس میں ان کو کچھ خواتین کے ہمراہ لندن کی سڑک پر دیکھا گیا۔
اس دوران صحافیوں کی طرف سے اداکارہ ثنا جاوید کی ویڈیو بنانے کی کوشش کی گئی۔ جس پر ثنا جاوید نے اپنا چہرہ ہاتھوں سے چھپاتے ہوئے صحافیوں کو کہا کہ وہ ریکارڈنگ نہ کریں اور ساتھ موجود شخص کو اپنے ہاتھ سے اشارے کر کے صحافیوں کو روکنے کا کہا۔ویڈیو وائرل ہونے پر انٹرنیٹ صارفین کی طرف سے اداکارہ ثنا جاوید کے اس رویے پر رائے کا اظہار جاری ہے۔کچھ صارفین نے ثنا جاوید کے اس رویے پر نہایت ہی حیرانی کا اظہار کیا ہے، جبکہ کچھ کے مطابق ایک اداکارہ ہونے کے باوجود ثنا جاوید کا منہ چھپانا بالکل ہی سمجھ سے باہر ہے۔
