5 میچز کی سیریز کے تیسرے ٹی20 میچ میں پاکستان نے اوپنر حسن نواز کی تیز ترین سنچری کی بدولت نیوزی لینڈ کے خلاف 205 رنز کا بڑا ہدف 16 اوورز میں بآسانی حاصل کرکے شاندار کم بیک کرلیا ہے ۔
آکلینڈ میں کھیلے گئے میچ میں کیویز کے ہدف کے تعاقب میں پاکستانی اوپنرز نے جارحانہ آغاز کیا تاہم اوپنر محمد حارث 74 کے مجموعی سکور پر 41 رنز بناکر آوٹ ہو گئے ۔
اوپنر حسن نواز کا ساتھ دینے کپتان سلمان علی آغا آئے جنہوں نے 31 گیندوں پر 51 رنز کی شاندار اننگز کھیلی ۔
حسن نواز نے کیریئر کی پہلی سنچری بنائی جو کسی پاکستانی بلے باز کی جانب سے تیز ترین سنچری ہے ۔ نوجوان بلے باز نے 45 گیندوں پر 105 رنز کی ناقابل شکست اننگز کھیلی، جس میں 7 چھکے اور 10 چوکے شامل تھے ۔ شاندا بیٹنگ پر حسن نواز میچ کے بہترین کھلاڑی قرار پائے ۔
اس سے قبل پاکستان نے ٹاس جیت کر میزبان ٹیم کو بیٹنگ کی دعوت دی تھی ، نیوزی لینڈ کی پوری ٹیم 19.5 اوورز میں 204 رنز بناکر آل آؤٹ ہوگئی ۔
نیوزی لینڈ کی جانب سے سیفرٹ 19، مارک چیپمین 94، ڈیرل مچل 17، مائیکل پریسویل 31، جیمز نیشم 3، مچل ہے 9، ایشن سودھی 10، جیکب ڈفی 2 اور کائل جیمیسن صفر پر آؤٹ ہوئے ۔
پاکستان کی جانب سے حارث رؤف 3، شاہین شاہ آفریدی اور ابرار احمد 2، 2 جبکہ شاداب خان، عباس آفریدی نے ایک ایک وکٹ اپنے نام کی ۔
اس سے قبل کھیلے گئے دو میچز میں قومی ٹیم کو شکست ہوئی تھی، سیریز میں اب بھی نیوزی لینڈ کو دو مایک کی برتری حاصل ہے ، سیریز کا چوتھا میچ 23 مارچ کو کھیلا جائے گا ۔
