اسلام آباد: اخبار خیبر کی رپورٹ کے مطابق خیبر پختونخوا میں انتخابات کے بعد سینیٹ میں سیاسی جماعتوں کی نشستوں کی موجودہ صورتحال سامنے آگئی جس میں حکمران اتحادی جماعتوں کو سینیٹ میں دو تہائی اکثریت مل گئی ۔
سینیٹ میں پیپلز پارٹی 26 سیٹوں کے ساتھ بڑی جماعت بن گئی، ن لیگ 20، آزاد 6، بلوچستان عوامی پارٹی( باپ) 4 جبکہ ایم کیو ایم(پاکستان) اور اے این پی کے تین تین سینیٹرز ہیں ۔
تحریک انصاف سینیٹ میں دوسری بڑی پارلیمانی جماعت بن گئی، پی ٹی آئی کو 16 سینیٹرز کے علاوہ مزید 6 آزاد سینیٹرز کی حمایت شامل ہے ۔
ن لیگ 20 سینیٹرز کے ساتھ تیسری بڑی پارلیمانی جماعت ہے جبکہ جے یو آئی (ف) کو خیبر پختونخوا میں دو نشستیں ملنے کے بعد سینیٹ میں اراکین کی تعداد 7 ہو گئی ۔
