دوسرے ون ڈے میں جنوبی افریقہ نے پاکستان کو 8 وکٹوں سے شکست دے کر تین میچوں کی سیریز ایک ایک سے برابر کر دی، پاکستان کے 270 رنز کے ہدف کے تعاقب میں مہمان ٹیم نے دو وکٹوں کے نقصان پر پورا کرکے کامیابی حاصل کی، جنوبی افریقہ کے کوائنٹن ڈی کاک 123 رنز بنا کر ناٹ آؤٹ رہے اور میچ کے بہترین کھلاڑی قرار پائے ۔
فیصل آباد کے اقبال سٹیڈیم میں کھیلے گئے دوسرے ون ڈے میچ میں قومی ٹیم کے کپتان شاہین شاہ آفریدی نے ٹاس جیت کر بیٹنگ کا فیصلہ کیا ۔
قومی ٹیم نے مقررہ اوورز میں 9 وکٹوں کے نقصان پر 269 رنز بنائے، سلمان علی آغا 69 رنز کے ساتھ نمایاں رہے ۔
محمد نواز 59 اور صائم ایوب 53، فخر زمان صفر، بابر اعظم 11، محمد رضوان 4، حسین طلعت 10، فہیم اشرف 28 اور محمد وسیم نے 12 رنز بنائے ۔
مہمان ٹیم نے ہدف دو وکٹوں کے نقصان پر 41 ویں اوور میں حاصل کر کے میچ جیت کر تین میچوں پر مشتمل ون ڈے سیریز 1-1 سے برابر کر دی ۔
جنوبی افریقہ کی جانب سے کوائنٹن ڈی کاک نے شاندار 123 رنز بنائے اور ناٹ آؤٹ رہے، ٹونی ڈی زورزی 76 رنز بنا کر آؤٹ ہوئے ۔
کوئنٹن ڈی کاک کو میچ کا بہترین کھلاڑی قرار دیا گیا، دونوں ٹیموں کے درمیان تیسرا اور فیصلہ کُن میچ ہفتے کو فیصل آباد میں ہی کھیلا جائے گا ۔
